नारी शक्तीचा विजय

नारी शक्तीचा विजय

स्त्री शक्तीचा करू या जागर
चैतन्याची असे ती सागर
ती नच आता कुठेच कमी
विश्वासाची तुझी हमी

शक्ती तुझ्यात अगाध वसे
आत्मविश्वास तझ्यात ठसे
गगनात घेई उंच भरारी
कर्तृत्वाची तू करारी

सहन शीलतेची दर्या तू
प्रेम,त्याग,ममता करूणा तू
रूप तुझे किती अनंत
जग तुझ्यामुळे भाग्यवंत

कला,विज्ञान असे तू निपुण
संस्कृतीचे सुंदर भवन
तुझ्याच मुळे जगी चैतन्य
कारुण्याचे तुझे नैन

नारी ही आदिशक्ती
स्त्री शक्तीची करू या भक्ती
नारी शक्तीचा विजय असे हा
त्रिवार वंदन नारी शक्तीला

पुरुषोत्तम ठोंबरे
झिंगाबाई टाकळी, नागपूर

0 5 1 7 9 5