श्वासाची किंमत; सरला टाले

श्वासाची किंमत

जे असते सहज उपलब्ध
कळते का कधी त्याची किंमत
निसटून जातो काळ हातातून
परत आणून दाखवा हिंमत ॥

धन असेल जरी कितीही
श्वासाची किंमत लावून दाखवा
क्षणाक्षणाला मावळत्या श्वासात
पुन्हा प्राण ओतून दाखवा ॥

जिवंत जोपर्यंत श्वास आहे
तोपर्यंत जगण्याची आस आहे
धडधडत्या श्वासात दडलेली
माणसं आपली खास आहे ॥

हे माझे ते माझे
भांडत बसतो आयुष्यभर
हाती काहीच लागत नाही
प्राण निघून गेल्यावर ॥

श्वास म्हणजे चैतन्य
श्वास म्हणजे प्रेम
श्वास म्हणजे अस्तित्व
श्वास म्हणजे नित्यनेम ॥

आयुष्यभर भांडत बसतो
धन संपत्तीसाठी बिचारा
व्हेंटीलेटर लागल्यावर
श्वासाची किंमत विचारा ॥

विझण्यापूर्वी श्वास आपुला
भरभरून प्रेम करावे
थांबली जरी श्वासाची स्पंदने
प्रेमरूपे श्वासात मिसळावे ॥

सरला टाले
राळेगाव यवतमाळ

0 4 0 9 0 3