कच्चा लिंबू

कच्चा लिंबू

बबलू डबलू शाळेत चालले
वाटेत भेटला कच्चा लिंबू
आम्ही चाललो शाळेला
तू पण येतोस का? थांबू ||१||

बबलू डबलू वाटेत थांबले
कोंबड्याची झुंज खेळू लागले
एक पाय उचलून हाताने धरला
बबलूच्या अंगावर डबलू धावला ||२||

डबलूने बबलूला चकवा दिला
बबलू धपकन खाली पडला
लिंबूला मोठा आनंद झाला
मला पण घ्या खेळायला ||३||

डबलू लिंबूची झुंज लागली
लिंबूने तोऱ्यात उडी मारली
शेजारी होती पाण्याची डबकी
दोघांची झुंज झाली पक्की ||४||

डबलुने लिंबूवर डाव टाकला
उड्या मारत डबक्याकडे गेला
लिंबू अंगावर धावत आला
डबलूने लिंबूला चकवा दिला ||५||

पोपट सुखदेव मस्के
ता.पंढरपूर जि.सोलापूर

0 4 8 3 0 0