0
4
8
2
9
7
माय मराठी
माय मराठीची विण,
विण मराठी धाग्यांनी.
शब्द केले सुगंधित,
जाई जुईच्या फुलांनी….. १
प्रकाशित पुस्तकात,
ज्ञान मुक्ताई ज्ञानाची.
शब्द गुंफून मराठी,
शब्द माळ ज्ञानोबाची….. २
शब्द गुंफता धाग्यात,
माय मराठी भंडार.
शब्द वाचता मराठी,
मिळे आनंद अपार….. ३
माय मराठी शब्दात,
दिसे मला सुसंस्कृत.
रुक्मिणीच्या गळ्यातील,
सोनमाळ अलंकृत….. ४
होतो मराठी भाषेचा,
शब्द शब्दात सन्मान.
ज्ञानेश्वरी वाचताना,
वाटे आम्हा अभिमान…..५
भाषा दिनी मराठीला,
टाळ मृदंग वाजवू.
ओंजळीत फुले सम,
माय मराठी दाखवू….. ६
नागोराव सोनकुसरे,
नवीन नंदनवन नागपूर.
==========
0
4
8
2
9
7
