0
4
8
2
9
7
मृगसरी
सरीवर सरी आल्या
वैशाख वणवा दाह उरी,
मातीला सुगंध दरवळला
नभ येईल माथ्यावरी…!!१!!
मृगसरी झरझर झरती
तरारती गवताची पाती,
पानावर चमकले मोती
राणी म्हणे चिंब चिंब होती..!!२!!
कुस उजवली धरतीची
बीजे रुजली नभ प्रीतीची,
धरती आतुर भिजून जाय
मोहिनी पडली शतरूपांची…!!३!!
झुळझुळ सरिता वाहती
तरुवरवेली फुलून येती,
पक्षी गाण आनंदात गाती
हिरवगार शिवार डोलती…!!४!!
सरीवर सरी कोसळती
अमृताने कलशभरती,
मयूर नेत्रातून थेंब स्त्रवती
फुले वेली रंगून जाती…!!५!!
कुसुम पाटील
कसबा बावडा कोल्हापूर
=======
0
4
8
2
9
7
