0
6
0
4
9
7
रक्तपात नको मानवा
आर्तपणे विनविते तुजला,
तुझीच मी रे भारत माता,
अरे, रक्तपात नको मानवा,
विश्वात आता नांदो शांतता
मानव सारे एकची असती,
तरी भेदभावाची का विकृती?
धर्म, जात अन् वर्ण विसरुनी,
माणुसकीची फुलू दे प्रीती
सीमेवरती सैनिक झुंजती,
घरोघरी माय-बहिणी रडती,
युद्धाच्या या ज्वाळांमध्ये,
निष्पापांची स्वप्नेही जळती
विद्वेषाचा पेटतो वणवा
युध्दाचा अग्नी भडकता
निष्पापांचा बळीही घेतो
पृथ्वीचा टाहो ऐकू येतो?
वसुधैव कुटुम्बकम् तत्व
ध्यानी सर्वांनीच घ्यावे
मानवतेचे दीप चेतवून
मनामनाला हो उजळावे
वृंदा (चित्रा) करमरकर
जि सांगली
=========
0
6
0
4
9
7
