0
4
8
2
9
0
तुणंतुणं
सखे तुझं गं तुणंतुणं
करशील का जरा बंद ?
आषाढघन गं बरसती
घेऊ प्रेमांगणी प्रेमानंद
सखे तुझ्या गं मनाची
तगमग मला कळाली
तुझ्या गं सुखासाठी
पावलं शेतात वळाली
सखे किंमती स्वर्णहार
नाही घेऊ मी शकणार
तुला सुख देण्यासाठी
नाही कधी मी थकणार
रूप तुझं गं आरसपाणी
पोशिंद्याची गं तू महाराणी
घाम गाळून गं पिकवितो
धान्यरूपी गं माणिकमोती
सुखाचा गं भरविन घास
हिरव्या रानी मोकळा श्वास
अतूट नातं सखे अनमोल
तुझ्यापुढं गं रत्न कवडीमोल
संग्राम कुमठेकर लातूर
0
4
8
2
9
0
