0
4
8
2
9
3
अशी असावी कविता
अशी असावी कविता
वाचकांच्या मनाला भुलवणारी॥
वास्तवाच्या झुल्यावर
यथेच्छपणे झुलवणारी॥॥॥॥
अशी असावी कविता
निसर्गाशी जवळीक साधणारी॥
हिरवाईच्या वर्णणाने
सृष्टीशी नाते सांगणारी॥॥॥॥
अशी असावी कविता
दुःखितांचे दुःख जाणणारी ॥
गोर गरीबांच्या व्यथा
शब्दात मांडणारी ॥॥॥॥
अशी असावी कविता
कल्पनेला पंख लावणारी ॥
चंचल मनासारखीच क्षणार्धात
क्षितिजापर्यंत धावणारी ॥॥॥॥
अशी असावी कविता
आपल्या मनाचे गूज बोलणारी॥
आपल्याच भावनांना
अलगदपणे तोलणारी॥॥॥॥
डाॅ.नझीर शेख राहाता
जिल्हा अहिल्यानगर
===≠=====
0
4
8
2
9
3
