अलिबागई-पेपरकविताकोकणपश्चिम महाराष्ट्रपुणेमहाराष्ट्रसाहित्यगंध
ऋतू हिरवा
पांडुरंग एकनाथ घोलप ता.जुन्नर, जि.पुणे
0
4
0
8
9
0
ऋतू हिरवा
ऋतू हिरवा आज बहरला
थंडगार वारा झणी शहारला
झुलतो मनाचा मोहक झुला
दरवळ धुंद मोगऱ्याच्या फुला ||१||
या हिरवाईने दिले आंदण
सुख आणि समृद्धीचे गोंदण
पुलकित आज नभी चांदण
जलधारांचे अवचित शिंपण ||२||
झाला शृंगार तरूशिखरांचा
आला थवा अल्लड पाखरांचा
झाला मिलाप गाय वासरांचा
घुमतो नाद दरी डोंगरांचा ||३||
बहरला ऋतू हिरवा मखमली
आनंदला शेतकरी या बर्षाकाली
पिके सारी जोमात निघाली
जगाच्या पोटाची चिंता निमाली ||४||
दान थोर या हिरव्या ऋतुचे
सुख शांतीचे आणि समृद्धीचे
गीत झंकारले हळव्या सुरांचे
गुणगान कंठाशी परमेशाचे ||५||
हिरवे वरदान राहो अबाधित
असू द्यावे ईश्वरा हेच संचित
निनादू दे असेच जीवन संगीत
ऋतू हिरवा ठेव अखंडित ||६||
पांडुरंग एकनाथ घोलप
ता.जुन्नर, जि.पुणे
==========
0
4
0
8
9
0
