0
4
8
2
5
1
सत्वपरीक्षा
मी कोळसा नव्हे सुवर्ण
बघ हवे तितके पारखून
घे हवी ती सत्वपरीक्षा
येईन अग्नीतून सुलाखून.. //
तू देव,दैव, नियती असो
किती घेशील अंत पाहून
मी पाषाणाच्या छातीवर
उभाच राहीन पाय रोवून.. //
निर्धाराने करीन सामना
येवोत लाख वादळ वारे
घनगर्द तमाचा पट भेदून
मी उघडेन उजेडाची दारे.. //
पर्वतप्राय संकट तरीही
वृत्ती नसे डगमगण्याची
पराजयाची खंत ना खेद
चर्चा होईल लढण्याची.. //
रडेल तो लढेल काय
हीच स्वाभाविक निती
जगायचे तर हिम्मतीने
मरणाची नसेच भिती.. //
विष्णू संकपाळ
बजाजनगर छ. संभाजीनगर
0
4
8
2
5
1
