0
4
0
9
0
3
आयुष्य
बहु पुण्याईने | मानवाचा जन्म |
करावे सत्कर्म | आयुष्यात ||१||
जगावे आयुष्य | आनंदाने छान |
नको अभिमान | जीवनात ||२||
येतील संकटे | करावी ती पार |
ईश्वर आधार | नामजपे ||३||
नको करू माती | आयुष्य महान |
जपा थोर सान | सुसंगती ||४||
जन्म आणि मृत्यु | जोडणारा दुवा |
कुणाचाही हेवा | नको मनी ||५||
जाणुनिया मर्म | मानवी जन्माचे |
करू आयुष्याचे | सार्थक ते ||६||
म्हणे सुलोचना | द्यावे देवा ज्ञान |
आयुष्याचे दान | परहिता ||७||
सुलोचना लडवे
अमरावती
==========
0
4
0
9
0
3
