0
4
8
2
9
7
झिजलेला देह
झिजलेला देह देतो
आठवण पूर्वीच्या कष्टाची
केले किती श्रम अपार
चालवण्या घडी संसाराची
कर्तव्यपूर्तीसाठी राबलो
काड्या झाल्या देहाच्या
ताकद ना उरली अंगात
आश्रमी वृद्धापकाळाच्या
पडून राहतो खाटेवर
समोर येईल ते खायचं
आता कुणाला ना चिंता
केल कष्टात पाणी रक्ताचं
झिजलेला देह घेऊन
जगतो दिवस मोजत
एक दिवस जाणे आहे
मग कशाला हिशेब शोधत
घ्या रे काळजी वृद्धांची
नका लोटू त्यांना दूर
जाणा त्यांचे कर्तव्य मनी
वाहू द्या प्रेमाचा पूर
श्रीमती सुलोचना लडवे
अमरावती
==========
0
4
8
2
9
7
