0
4
8
2
9
0
एक होती परी
एक होती परी
सुसंस्काराचे पंख तिला
नात्यांमधली घट्ट विण
शिकवून गेली मला ॥
स्वप्नांचे मनोरे बांधण्यापेक्षा
वास्तव जगणे शिकवून गेली
वादळ उठले कितीही जीवनात
खंबीर राहणे दाखवून गेली ॥
मानापमान गिळताना
हसतांना मी पाहिले तिला
सर्वांनाच सोबत घेऊन
चालतांना मी पाहिले तिला ॥
गरजूंना मदतीचा हात
नेहमीच पुढे असायचा
अश्रू ढाळत आलाच कोणी
हसत हसत जायचा ॥
अंधश्रद्धा , नकारात्मकता
कधीच नव्हती तिच्यात
कोणतेही आव्हान पेलण्याची
जिद्द तिच्या मनात ॥
सुखाचे आगर मायेचा सागर
नैराश्याला घालवणारी आशेची फुंकर ॥
देवालाही बहुधा गरज तिची असावी
आईसारखी सुंदर परी त्याच्याकडे नसावी ॥
शेवटचा निरोप देताना
सकारात्मकता देऊन गेली
सुसंस्काराच्या जादुई कांडीने
उडण्यास पंख देऊन गेली ॥
- सरला टाले
राळेगाव,यवतमाळ
========
0
4
8
2
9
0
