0
6
3
0
2
8
हिरव्या स्वप्नांची चाहूल
माळरानावर हिरवी चाहूल, वाऱ्याची गोड गाणी,
पानोपानी जागी झाली, नव्या आशेची वाणी।
थेंब थेंब पावसाच्या, मोत्यांची बरसात,
हिरव्या स्वप्नांनी सजली, धरतीची प्रभात॥
रानफुलांच्या गंधामधुनी, दरवळते आनंद,
पाखरांच्या किलबिलाटात, फुलतो नवा छंद।
डोंगर माथा हसतो आहे, नदी गाते गीत,
हिरव्या या स्वप्नांसाठी, मन होते प्रीत॥
कुऱ्हाडीच्या घावाखाली, झाडे रडती आज,
धुराच्या या वादळाने, हरवला निसर्गसाज।
थांबवू या विनाशाला, धरू मातीचा हात,
वृक्ष लावून जपूया सारे, हिरवी धरतीमात॥
हातामध्ये हात घेऊ, करू नवा संकल्प,
हिरवाईच्या संगतीने, फुलवू सुंदर कल्प।
पानोपानी आशा फुलो, दरवळो प्रेमगंध,
हिरव्या स्वप्नांच्या वाटेवर, उजळो जीवनछंद॥
अंकुश सालपे
ता. जिल्हा नागपूर
=======
0
6
3
0
2
8
