ई-पेपरकविताछत्रपती संभाजी नगरमराठवाडाविदर्भसाहित्यगंध
साहित्यसेवा
विष्णू संकपाळ बजाजनगर छ. संभाजीनगर
0
5
3
6
2
3
साहित्यसेवा
नसे कुणाशी स्पर्धा ईर्षा
अन् नसेच कुणाचा हेवा
दान इतुकेच दे गा देवा
घडो हातून साहित्यसेवा.. //
धन्य झालो इथे जन्मूनी
पूण्यभूमी महाराष्ट्र देशा
धन्य धन्य मला लाभली
ही मायमराठी मातृभाषा.. //
पडता पडता बाळ जसे
शिकते हळूच चालायला
चुकता चुकता तसाच मी
शिकू लागलो लिहायला..//
उपमा,प्रतिमा,प्रतिकातून
घेवू लागे प्रतिभा आकार
नवरसादी अलंकारातून
होवू लागे कविता साकार.. //
इथून घेऊनी इथेच देतो
होतो केवळ निमित्त मात्र
असा छंदच जडला मला
साहित्यसेवेचा अहोरात्र.. //
विष्णू संकपाळ
बजाजनगर छ. संभाजीनगर
0
5
3
6
2
3
