0
4
8
2
9
0
दीडदमडी
राब राबून मातीत
हाडाला लागे चमडी
कर्ज अमाप माथी
हाती नसे दिडदमडी… //
लहरीबाज निसर्गाचे
चुकतात सारे अडाखे
अस्मानी सुलतानीचे
बसतात सदैव तडाखे… //
ओला कधी कोरडा
येई दुष्काळाचा फेरा
मग उधार उसणवारीने
करा दुबार तिबार पेरा…//
खळ्यात कांही पडेना
येथे मनाजोगती रास
या गळ्यातून निघेना
कर्ज फेडीचा फास… //
या कृषि प्रधान देशात
कृषकाची शोकांतिका
केविलवाण्या जीण्याची
कधी व्हावी सुखांतिका… //
विष्णू संकपाळ बजाजनगर
छ. संभाजीनगर
======
0
4
8
2
9
0
