आपलं स्थान

आपलं स्थान

माय तुझ्या-माझ्या अंतरी, प्रेमाचा अखंड धागा।
नियतीने जो विणला, न तुटे कधीच जागा॥

रक्ताची नाती कधी, संशयाने डळमळती।
मनाच्या या नात्याला, विश्वासाचीच संपत्ती॥

भेटीगाठी नसल्या, तरी नाते कमी न व्हावे।
श्वासामधल्या श्वासापरी, एकमेकांतच राहावे॥

लोक करतील प्रयत्न, दूर आम्हां नेण्याचे।
हृदयातील हे स्थान, कोण बळे पुसण्याचे॥

दृष्टीआड झालो जरी, मनाआड कधी न व्हावे।
जन्मोजन्मीचे हे बंध, ईश्वरानेच जपावे॥

तू माझी, मी तुझी, एवढेच सत्य पुरे।
जग सारे विरुद्ध असले, प्रेम न कधीच सरे॥

माय, तुझ्या-माझ्या नात्याला, काळाचाही स्पर्श न व्हावा।
हृदयातल्या या स्थानाला, अनंताचा आशीर्वाद लाभावा॥
हृदयातल्या या स्थानाला, अनंताचा आशीर्वाद लाभावा॥

सीमादेवी बेडसे
ता. चाळीसगाव, जि. जळगाव
===========

0 5 7 8 9 8