आधार

आधार

भरभरून दिलेस देवा तू मला
सर्वकाही..
माझ्यासाठी तक्रार मुळीच करत
नाही..
पण, ज्या शाईने लिहलेस तू ‘तीचे’ प्रारब्ध,
इतर कुणासाठी वापरू नकोस ती शाई..
ज्याच्यासाठी ओलांडला तीने
माहेरचा उंबरठा
त्यानेच फिरवला तीच्या
सुखावर वरवंटा..
तीच्या सारखा नाहीच देवा
जगी या कपाळकरंटा..
तरण्याताठ्या पोरीवर
अग्निसंस्कार करणे..!
सोपे नाहीच देवा मुळी
जीत्यापणीच जन्मदात्यांना तोडणे..
नवऱ्याचा सततचा मानसिक त्रास..
व्याधीचा मनावर कसून
जखडलेला पाश..
चार भिंतीच्या आत बंदिस्त वास..
भाव व्यक्त करण्या ना कुणाचा
सहवास…
अशी कशी मांडलास देवा
तीच्या हस्तरेखांची आरास..
शांत- संयमी, निर्मळ- निरागस
मनावर असे केलास तू नियतीचे वार
की,,,
तीचा मूळ स्वभाव शोधतो आज
तीच्याच आत आधार..!!

वनिता गभणे
आसगाव, जि.भंडारा

0 5 1 8 0 2