कसं असतं ना समाजाचं.

कसं असतं ना समाजाचं.

कसं असतं ना समाजाचं…
मनासारखं वागलं तर खूप भारी
एखादी गोष्ट मनासारखी झाली नाही
तर संपून जाते गोडी

कारणं असतात त्या पाठीमागे
पण जाणून घ्यायचं नसतं
बरोबर वागणाऱ्याने नेहमीच
बरोबरच वागायचं असतं

आपलंही काही चुकलं असेल
स्वतः पर्यंत यायचं नसतं
दोषी समोरच्याला ठरवून
स्वतः मोकळं व्हायचं असतं

अंतर्मुख होऊन कधी
आत्म्याला सामोरे जायचं नसतं
खरे खोटे काहीही असो
स्वतःचच खरं दाखवायचं असतं

दुखत असतील कोणाच्या भावना
त्याचं काही देणं घेणं नसतं
मनाच्या विरोधात कोणी गेले की
अहंकाराचं लांच्छन लावायचं असतं
कसं असतं ना समाजाचं…..

शर्मिला देशमुख -घुमरे
ता.केज जि.बीड
======

0 4 8 2 9 7