0
4
8
2
9
0
साखरपेरणी
कर साखरपेरणी
घ्यावी मने तू जिंकून
थोरा मोठ्यांचा सन्मान
ठेव नाती तू टिकून….
नको विखारी ग शब्द
होतो मनावर वार
गोड बोलण्यात आहे
सुखी संसाराचं सार….
तुझ्या पदवीचा नको
उगी मनी अहंभाव
जरी अडाणी ग कोणी
नको त्याच्या मनी घाव…
तूच आहेस ग मुली
पूल सासर माहेर
ठेव जपून कायम
संस्काराचा ग आहेर…
तुझी साखरपेरणी
फळ मधूर येईल
माय बापाच्या कष्टाचं
खरं सार्थक होईल…
राजश्री मिसाळ ढाकणे
जिल्हा बीड
===========
0
4
8
2
9
0
