0
4
8
3
0
0
एकांतवास
असंगाशी संग नको
भला तो एकांतवास
शांती लाभण्या मनास
हवा संत सहवास ॥
वैफल्याने ग्रस्त झाला
आज घडीला मानव
सुख आहे तयापाशी
परि नाही त्याचा ठाव ॥
सुसंवाद घडविण्या
भासे उणीव तयाला
व्याप आहेत अधिक
वेळ नाही बोलण्याला ॥
नाही सोडण्या तयार
आपलाच अहंभाव
सांगा पाहू समाजात
कसा लागेल निभाव ॥
योगासने,प्राणायाम
मनावर ताबा ठेवी
समाधानी जीवनास
स्वयंशिस्त मात्र हवी ॥
मन गुंतता कर्मात
हवा का एकांतवास
मन:शांती लाभे सदा
प्रियजन सहवास ॥
दत्ता काजळे
जि. धाराशिव
0
4
8
3
0
0
