तेजस्विता

तेजस्विता

झळकू दे तेजस्विता तुझीच
दाखवून दे प्रखर बुद्धिमत्ता
अन्याय अत्याचाराचा विरोध
कडाडून करावा न जुमानता

दिव्यतेज ज्ञानाच्या बळावर
आत्मविश्वास ढळू देऊ नको
प्रतिकार कर अन्याय विरूध्द
म्होरं असो कुणी भिऊ नको

ऊठ तरुणा आता जागा हो
लोकशाहीचा अतूट धागा हो
संवैधानिक मूलभूत अधिकार
वापराचा सुजाण नागरिक हो

प्रेरणा घेऊन महापुरूषाकडून
कर प्रहार इथल्या व्यवस्थेवर
अन्यायाला वाचा फुटेल अन्
गदा आणणार नाही हक्कावर

अडवणूक होईल ही पदोपदी
परी माघार कधी तू घेऊ नको
शिक्षण वाघिणीचे दूध प्राशन
डरकाळी तुझी रे विसरू नका

बी एस गायकवाड
पालम,जि. परभणी
===========

0 5 9 0 3 4