0
5
3
6
4
3
नका देऊ शिक्षा
गुन्हा केला दुसऱ्याने
मी भोगतोय सजा
निरापराध आहे मी
काय दोष यात माझा
पडतोय विचारात मी
का बोलणे बंद झाले
हरपून गेला संवाद
मौनव्रत का धरीयेले
आपुलकीच्या मायेचा
चातक मी तहानलेला
झाले कान अधूर माझे
शब्दांसाठी आसुसलेला
चुकले जरी माणसांचे
माफ करणे हाच धर्म
दिलदार या माणसांचे
हेच मोठेपणाचे वर्म
नका देऊ अघोरी शिक्षा
नका परका भाव ठेऊ
द्या हाक अंतकरणाने
नाती घट्ट जोडून घेेऊ
बळवंत शेषेराव डावकरे
मुखेड जिल्हा नांदेड
0
5
3
6
4
3
