तारतम्य; सरला टाले

तारतम्य

तारतम्य राखले जावे
वागण्यात आणि बोलण्यात
मनात एक ओठात एक
नको खोटा आव जगण्यात ॥

का कुणास ठाऊक
हरवत चाललीय नैतिकता
मदतीचा हात पुढे करता
बदनाम होतेय मानवता ॥

गैरसमजाचे जाळे पसरता मनावर
अविश्वासाची पट्टी बांधली जाते डोळ्यावर
सत्य काहीच दिसत नाही
असत्य कोरून ठेवतो हृदयावर ॥

आपलेच काही चुकले असेल
पद्धतशीरपणे विसरून जातो
आत्मचिंतन न करता
दुसऱ्यांना दोष देत बसतो ॥

तारतम्य नसता शब्दात
बोचरे बाण सोडले जातात
हळवी मने , भिजले नेत्र
दूर दूर निघून जातात ॥

करावा का थोडा विचार
कसे जगतो आपण
स्वतःलाच स्वतः प्रश्न विचारून
करीत रहावे सदा अध्ययन ॥

सरला टाले, राळेगाव
जि.यवतमाळ
========

0 4 8 2 9 3