0
4
8
2
9
7
नयनमनोहर
पूर्व दिशेला उगवतो
भाष्कर सकाळ प्रहरी
दृश्य नयनमनोहर पाहून
हर्षाच्या हृदयी लहरी
सजते अवघी सृष्टी
सोनेरी प्रकाशाने
चराचरात चैतन्य
नांदते दिलखुलासपणे
पक्षांचे थवे आकाशात
जणू निघाले शाळेला
कष्टकरी,कामकरी
पोट भरण्या कामाला
रूप सोनेरी घेवून
वाहती झरे खळखळ
नाद ब्रम्ह श्रवणीय
वाहे पाणी झुळझुळ
वृक्ष,वेली आनंदात
डोलू लागले मोकळे
थंडगार पहाटवारा
शहारते अंग सगळे
वाटे सोन्याचा गोळा
पूर्व दिशेला चमकतो
धरती मनी आनंदली
देखावा हा मनी भरतो
श्रीमती सुलोचना लडवे
अमरावती
0
4
8
2
9
7
