0
6
3
9
5
8
भ्रष्टाचार
ज्यांच्याजवळ पैसा
ते झाले मालामाल
ज्यांच्याजवळ नाही पैसा
ते झाले बेहाल
दलालांनी खाल्ल्या
शेतकऱ्यांच्या जमिनी
दलाल झाले गब्बर
शेतकरी झाले टिनटप्पर
बेरोजगार झाले
गावातील शेतीवाले
घरात नाही पैसा अडका
चेहरा त्यांचा रडका पडका
गरिबांची प्रतिभा
झाली कवडीमोल
गाठीला नाही पैसा
पुसू नका त्यांची दैना
महाल माड्या ज्यांच्या
त्यांच्याच वाड्या वस्त्या
गरिबांना कोणी पुसत नाही
मान ही त्यांना देत नाही
म्हणायलाच लोकशाही
सगळीकडे दडपशाही
पुरे आता ठोकशाही
पेटली जनता आता खैर नाही
गजवंती सुभाष विघ्ने
बडनेरा, जि.अमरावती
==========
0
6
3
9
5
8
