0
4
8
2
9
0
सत्यमेव जयते
संदर्भ देऊन मनुस्मृतीचा
साध्य काय अजून करायचं
कलंक हा जाती धर्माचा
पुसून कधी कुणी काढायचं
राष्ट्रीय बीदवाक्य विसरून
मानवी मूल्ये कशी रूजतील
स्वार्थात नैतिकता घसरून
सत्य बोलाय लोकं बुजतील
अशोक स्तंभ तो दिशादर्शक
सत्यमेव जयते शोभते खरे
अराजकता पाहून रे धार्मिक
काळजाला पडतील ना चरे
अग्निपरीक्षेत विजय सत्याचा
बंगला पत्त्याचा रे कोसळतो
बाजार मांडूनच बेगडी प्रेमाचा
दुधातही युरिया तो मिसळतो
सत्यमेव जयते राष्ट्र आरसा
भक्कम संविधानाची निर्मिती
राष्ट्रहिताचा चालवून वारसा
वैज्ञानिक बनवावी राजनीती
थोतांड रे प्रथा नि परपरांना
कायमची द्यावी रे मूठमाती
सत्यम् शिवम् सुंदरम् यांना
सांगून पेटवाव्या ज्ञानज्योती
संग्राम कुमठेकर
ता.अहमदपूर जि.लातूर
==========
0
4
8
2
9
0
