जि प शाळा नेवासा (बु) येथे शालेय दिंडीत विठ्ठल नामाचा जयघोष
अवघा परिसर विठ्ठल नामस्मरणाने दुमदुमला
जि प शाळा नेवासा (बु) येथे शालेय दिंडीत विठ्ठल नामाचा जयघोष
अवघा परिसर विठ्ठल नामस्मरणाने दुमदुमला
दिंडीत सुमारे १८१ विद्यार्थांचा सहभाग
जिल्हा प्रतिनिधी अहमदनगर
नेवासा : जिल्हा परिषद प्राथमिक शाळा नेवासा बुद्रुक ता. नेवासा या शाळेची श्री. नाथबाबा मंदिर या ठिकाणी आज दिनांक ०३/०८/२०२४ शनिवार रोजी शालेय दिंडी काढण्यात आली. शाळेत विठ्ठल..विठ्ठल..विठ्ठला या नामस्मरणाने दिंडीची सुरुवात झाली व वातावरण दुमदुमून गेले. सर्व विद्यार्थ्यांनी वारकरी वेशभूषा करत, टाळ, ढोलकी, हाती भगवी पताका घेऊन गावात आल्यानंतर ज्ञानोबा माउलींच्या जयघोषात रिंगण साजरी करण्यात आले व थाटामाटात दिंडी शाळेपासून नाथबाबा मंदिर परिसर याठिकाणी नेण्यात आली.
यामध्ये सुमारे १८१ विद्यार्थी सहभागी झाले होते. दिंडीचे मुख्य आकर्षण विठ्ठल रुक्मिणी , पालखी, ढोलकी वादक, सुंदर वेशभूषेतील वारकरी यामुळे दिंडीला शोभा आली. तसेच सुंदर ते ध्यान उभे विटेवरी, व माऊली माऊली या भक्ती वरील सुंदर नृत्याने गावकरी भारावून गेले , शाळेचे मुख्याध्यापक आदरणीय श्री पाखरे सर यांनीही बाल वारकऱ्यांच्यासोबत पावली खेळण्याचा आनंद लुटला अशाप्रकारे सुंदर कार्यक्रम पार पडला.
यासाठी शाळेचे मुख्याध्यापक आदरणीय श्री पाखरे सर व सहशिक्षक श्री घुले सर, श्री दळवी सर, सहशिक्षिका श्रीमती ताके मॅडम, श्रीमती बोर्डे मॅडम, श्रीमती वाघमारे मॅडम, श्रीमती कुलकर्णी मॅडम सर्वांचे कार्यक्रमासाठी योगदान व मोलाचे सहकार्य लाभले. याप्रसंगी नेवासा येथील गावकरी मोठ्या संख्येने उपस्थित होते.
