तरीही जीवन जगायचे असते

तरीही जीवन जगायचे असते

ऋतू चक्रात फिरत असताना
तरीही जीवन जगायचे असते
सुखदुःखाचे डोंगर चढताना
हसत हसत सामोरे जायचे असते

इतिहासात झाले ते विसरायचे
समोर काय ते पाहायचे असते
करुन प्रगती सोडावी विसंगती
घाबरून गोंधळून जायचे नसते

सत्याला सामोरे जायचे असते
निकराने लढा देऊन जगायचे
तरीही जीवन जगायचे असते
विश्वास ,आशा, जिद्द ,चिकाटीचे

यश अपयशाच्या पायऱ्या चढत
जीवन जगायचं असतं
अनेक खाचखळग्यांना सामोर जायच
आयुष्याच्या वाटेवर खचायचं नसतं

नैसर्गिक बदल स्वीकारायचा
निसर्गाकडून खूप काही शिकायचं
अनेक गोष्टी आत्मविश्वासाने शिकून
अनुभवाच्या गाभाऱ्यात भरायचं

कुसुम पाटील
कसबा बावडा, कोल्हापूर
========

0 5 1 7 9 6