ऋतू हिरवा

ऋतू हिरवा

डोंगराच्या कुशीत दाटली
बघा कशी हिरवी पहाट
पानापानांत झुळूक गाते
धरतीचा दिसतो थाटमाट…!!

थेंबांच्या मोत्यांनी सजली
मातीची काया ओलसर
हिरव्या रंगी न्हाऊन सृष्टी
नववधूपरि दिसते सुंदर..!!

झाडांच्या पानांतून झिरपे
सूर्यकिरणांची सोनेरी धार
हिरव्या ऋतूच्या पदराखाली
नटला जणूकाय सारा संसार..!!

शेतामधली इवली रोपे
दाखवी स्वप्नांची पालवी
कष्टकरी जगाचा पोशिंदा
डोळ्यांत दिसे आशा नवी…!!

हिरवा ऋतूआहेआशेचा
करूया वृक्षसंवर्धन सारे
पर्यावरण संतुलन राखणे
सर्वश्रेष्ठ महान कार्य खरे…!!

राजश्री मिसाळ ढाकणे
ता. जिल्हा बीड
===========

0 5 9 0 3 4