नागपूरचे ज्येष्ठ पत्रकार राजेंद्र उट्टलवार यांचे निधन; पत्रकारिता क्षेत्रात हळहळ

नागपूरचे ज्येष्ठ पत्रकार राजेंद्र उट्टलवार यांचे निधन; पत्रकारिता क्षेत्रात हळहळ

वयाच्या ५८ व्या वर्षी निरामय हॉस्पिटलमध्ये घेतला अखेरचा श्वास

नागपूर : दैनिक पुढारी आणि दैनिक देशोन्नती या वृत्तपत्रांमध्ये आपल्या लेखणीच्या माध्यमातून योगदान देणारे ज्येष्ठ पत्रकार श्री. राजेंद्र उट्टलवार यांचे शुक्रवार, १३ नोव्हेंबर २०२६ रोजी पहाटे निरामय हॉस्पिटलमध्ये दुःखद निधन झाले. मृत्युसमयी त्यांचे वय ५८ वर्षे होते. त्यांच्या निधनाने नागपूरसह विदर्भातील पत्रकारिता क्षेत्रात शोककळा पसरली आहे. सच्चिदानंद नगर, प्लॉट क्रमांक ५ येथील रहिवासी असलेले राजेंद्र उट्टलवार हे अभ्यासू, अनुभवी आणि पत्रकारितेची जाण असलेले पत्रकार म्हणून परिचित होते.

दैनिक पुढारी आणि दैनिक देशोन्नती या वृत्तपत्रांच्या माध्यमातून त्यांनी पत्रकारितेच्या क्षेत्रात आपली वेगळी ओळख निर्माण केली होती. विविध विषयांचा सखोल अभ्यास करून वस्तुनिष्ठ वृत्तांकन करण्याची त्यांची हातोटी होती. त्यांच्या पत्रकारितेतील योगदानामुळे सहकारी पत्रकार आणि मित्रपरिवारात त्यांच्याविषयी विशेष आदर होता. त्यांनी नागपूर श्रमिक पत्रकार संघाचे पदाधिकारी म्हणूनही कार्य केले होते. त्यांच्या अकाली निधनामुळे पत्रकारिता क्षेत्रातील एक अभ्यासू सहकारी हरपल्याची भावना व्यक्त होत आहे. त्यांच्या पश्चात पत्नी स्वाती, मुले मंदार व अर्णव तसेच मोठा आप्तपरिवार आहे.

राजेंद्र उट्टलवार यांच्या निधनाबद्दल पत्रकारिता क्षेत्रातील सहकारी, मित्रपरिवार आणि विविध स्तरांतून शोक व्यक्त करण्यात येत आहे. उट्टलवार कुटुंबीयांना या दुःखातून सावरण्याचे बळ मिळो आणि दिवंगत राजेंद्र उट्टलवार यांच्या आत्म्यास सद्गती लाभो, हीच भावपूर्ण श्रद्धांजली.

0 6 4 5 9 2