भाईसाहेब पाशिलकर अमर रहे!
आपल्या निवासस्थानी काल घेतला अखेरचा श्वास
तुषार थळे, प्रतिनिधी अलिबाग
अलिबाग: रायगड जिल्हा परिषदेचे माजी उपाध्यक्ष तथा शिक्षण व बांधकाम समितीचे माजी सभापती व रोहे तालुक्यातील सौजन्यमूर्ती आणि सर्वांचे आवडते “भाई” अर्थात भाईसाहेब पाशिलकर यांनी आपल्या निवासस्थानी काल (दि. १४फेब्रुवारी) अखेरचा श्वास घेतला. अंत्यविधीस शेकडो चाहते उपस्थित होते.
भाईसाहेबांचा व माझा जुना परिचय ते सा. ” कुलाबा वैभव” चे जुने वाचक. भाई जिल्हा परिषदेचे उपाध्यक्ष तसेच शिक्षण समितीचे सभापती असताना त्यांच्या अलिबाग येथील जि. प. च्या दालनात अनेक विषयांवर आम्ही चर्चा केलेली आहे . अलिबाग तालुका शिक्षण प्रसारक मंडळ या संस्थेचा मी अध्यक्ष आहे . या संस्थेच्या ९ प्राथमिक शाळा आहेत . त्यापैकी भाल येथील उच्च प्राथमिक शाळेच्या एका कार्यक्रमासाठी भाईसाहेबांना मी निमंत्रित केले. जिल्हा शिक्षाणाधिकारी श्री बडे यांच्यासह त्या कार्यक्रमास उपस्थित राहिले . शिक्षणाधिकारी यांच्यासह सर्व वर्गाची पाहणी केली. विद्यार्थ्यांशी हितगूजही केले.
हस्तलिखित प्रकाशानाच्या कार्यक्रमात जि. प. उपाध्यक्ष म्हणाले ” मी जिल्हा परिषदेचा शिक्षण समिती सभापति असल्यामुळे जिल्हा परिषदेच्या अनेक शाळा पाहिल्या आहेत . पण वालेकर सरांच्या निमंत्रणानुसार खाजगी शाळा पहण्याचा योग आला. खाजगी संस्थेची शाळा असूनही विद्यार्थ्यांची शैक्षणिक प्रगती चांगली आहे” याबाबत संस्था चालक , मुख्याध्यापक व शिक्षकांना त्यांनी धन्यवाद . दिले. या कार्रक्रमात जि.प. शिक्षणाधिकारी बडे यांनीही शैक्षणिक प्रगतीबाबत विद्यार्थ्यांचे कौतुक केले .
भाई आजारपणामुळे अनेक महिने बेडरेस्ट घेत होते . तरीही त्यांच्या निवासस्थानी कार्यकर्त्यांचा व हितचिंतकांचा राबता सतत चालू होता . हीच लोकप्रियता होय. भाईसाहेबांच्या म्रुतात्म्यास चिरशांती लाभो हीच ईशचरणी प्रार्थना!
