0
5
9
0
3
5
अवसान
परिस्थितीवर मात कर
ढाळू नकोस आसू
आपल्या प्रारब्धावर गड्या
नकोस उगी रुसू
अवसान गाळून असं
नाही भागणार राजा
कोणत्या जन्माची तुला
मिळतेय ही सजा
अगतिकपणे स्वतःवरच
नको तुच्छतेने हसू
बदलेल कधीतरी नशीब
होईल भलं तुझं
जीवन हे जगण्यास्तव आहे
नकोस समजू ओझं
जे दुःख तुझं आहे तेच दुःख माझं
चल मिळूनी दोघे पुन्हा कंबर कसू
दुःख फक्त तुझ्याच वाट्याला
हा समज तू सोड
कित्येकांची नशीबाने
काढली रे खोड
चल पुन्हा हिरीरीने
नवे मनसुबे रचू
प्राक्तनाबरोबरच जगानेही
केली तुझी वंचना
दुर्दैवाच्या फेर्यांमुळे
वाढल्या तुझ्या विवंचना
आता मात्र हुशारीने वाग
नकोस पुन्हा फसू
डाॅ. नझीर शेख राहाता
जिल्हा अहिल्यानगर
0
5
9
0
3
5
