ई-पेपरकवितापश्चिम महाराष्ट्रपुणेसाहित्यगंध
जीवनाची शाळा
पांडुरंग एकनाथ घोलप रोहोकडी,ता.जुन्नर, जि.पुणे
0
5
1
7
5
8
जीवनाची शाळा
जीवनाची शाळा भरते
दररोज इथे निरंतर
जीवन म्हणजे काय
कळते जीवन जगल्यानंतर
कोरी पाटी मनाची
कागद नशिबाचा कोरा
जगण्याची धडपड भारी
काळाहाती भविष्याचा दोरा
बरे वाईट क्षण सारे
असतात अनुभवी गुरू
तरी जीवन जगण्याची
कसरत असते सुरू
कर्माचा लेखजोखा सारा
ठरतो भविष्याची नांदी
प्रारब्ध सारे लिखित
ठाऊक नसते यादी
जीवनाच्या या शाळेत
घ्यावे जगून मनसोक्त
मोहमायेच्या जंजाळात
होऊच नये आसक्त
पांडुरंग एकनाथ घोलप
रोहोकडी,ता.जुन्नर, जि.पुणे
========
0
5
1
7
5
8
