नवी पहाट

नवी पहाट

गत वर्षाचा निरोप घेऊ
मागे सारू तो आता काळ
नवी पहाट नव्या आशा घेऊन
येईल नववर्षाची सोनसकाळ

नववर्ष २०२५ येताक्षणी
दाटला हर्ष बाल मनी
हास्य फुलवून स्वागत
केले नववर्षाचे आनंदानी

भेटकार्ड स्वतः मुले तयार
करून रंगबेरंगी छान छान
आशिर्वाद घेतला बाईचा
भेटकार्ड व शुभेच्छा देऊन

सुविचाराने संकल्प केला
सहाय्यता करु बहिणींची
मोठ्यांचा आदर प्रेमभाव
संगत करू छान मित्रांची

मिळून मिळून शाळेत जावू
आनंदाने अभ्यास करू या
नित्य धडे घेऊन शिक्षणाचे
स्वप्न आपले साकार करू या

प्रतिमा नंदेश्वर
ता.मूल,जि.चंद्रपूर

0 1 9 9 5 7