बाबासाहेब नाजरे हायस्कूल व ज्युनिअर कॉलेज, आवासमध्ये व्याख्यानमालेचे आयोजन
तुषार थळे, प्रतिनिधी
बाबासाहेब नाजरे हायस्कूल व ज्युनिअर कॉलेज, आवासमध्ये व्याख्यानमालेचे आयोजन
तुषार थळे, प्रतिनिधी
अलिबाग: दि.१४ डिसेंबर व रविवार दि. १५ डिसेंबर २०२४ रोजी आवास सासवने धोकवडे रहिवासी हितवर्धक मंडळाच्या बाबासाहेब नाजरे हायस्कूल व ज्युनिअर कॉलेज, आवास मध्ये स्वर्गीय दत्ताराम शंकर रोटकर यांच्या स्मरणार्थ कनक प्रतिष्ठान यांच्या मार्फत इ. १० वी च्या विद्यार्थ्यांना मार्गदर्शन करण्यासाठी व्याख्यानमालेचे आयोजन करण्यात आले होते.
शनिवार दि. १४ डिसेंबर २०२४ रोजी सर्व प्रथम मुख्याध्यापक / प्राचार्य अनिल दारकुंडे सर यांनी सर्व व्याख्यात्यांचे संस्थेच्या व विद्यालयाच्या वतीने स्वागत केले. त्यानंतर जगताप सर यांनी विद्यार्थ्यांना इंग्रजी विषयाचे तर गुंजाळ सर यांनी विज्ञान- २ विषयाचे बहुमोल मार्गदर्शन केले.
रविवार दि. १५ डिसेंबर २०२४ रोजी चव्हाण सर यांनी गणित – १ व गणित – २ विषयाचे विद्यार्थ्यांना बहुमोल मार्गदर्शन केले तसेच गीते सर यांनी विज्ञान- १ विषयाचे बहुमोल मार्गदर्शन केले. या व्याख्यानमालेला मुख्याध्यापक / प्राचार्य अनिल दारकुंडे सर, जेष्ठ शिक्षक कैलास शिकारे सर, दत्तात्रेय अहिरे सर, आशिष राणे सर, सुनिल मोरे सर, सचिन भंडारे सर, शैलेश शिंदे सर यांनी उपस्थित राहून बहुमोल सहकार्य केले. मुख्याध्यापक / प्राचार्य अनिल दारकुंडे सर यांनी संस्थेच्या व विद्यालयाच्या वतीने रोटकर कुटुंबियांचे, कनक प्रतिष्ठान व सर्व व्याख्यात्यांचे आभार मानले.
