तुझ्या प्रेमात…

तुझ्या प्रेमात…

तुला पाहिलं त्या क्षणी,वेळ जणू थांबून गेला,
माझ्या शांत मनामध्ये,प्रेमाचा दीप उजळला..

तुझ्या नजरेच्या स्पर्शाने,हृदय अलगद फुललं,
न कळत माझं जग सगळं,तुझ्याभोवतीच फिरलं..

तुझं हसणं म्हणजे जणू,चांदण्यांची बरसात,
तुझ्या सहवासात मिळते,मनाला सुखाची साथ..

हातात हात तुझा असावा,एवढीच छोटी आस,
प्रत्येक श्वासात तुझं नाव,प्रत्येक धडधडीत तुझा भास..

प्रेम म्हणजे फक्त शब्द नाही,ती मनांची ओढ असते,
दोन जीवांना एक करणारी,सुंदर अशी गाठ असते..

आयुष्याच्या प्रत्येक वळणावर,तू सोबत असाच असावा,
माझ्या प्रत्येक आनंदात,तुझ्या प्रेमाचा बहर यावा..

श्रीमती सीमादेवी बेडसे
चाळीसगाव जि.जळगाव

0 5 9 0 3 4