माणुसकी

माणुसकी

माणुसकीचा बाळगुनी धर्म
बांधूया रेशमाचे बंध
सुखदुःख देऊ घेऊया
सर्वत्र पसरेल प्रेमाचा गंध….1

ज्ञानविद्येचे देऊनी संस्कार
शिकवून जगाला माया ममता
आपलेपणाचे भावना विश्वास
देऊया माणुसकीचा हात….2

जगूया आपण शांततेत
माणुसकीचा धरून शान
आई,बहिण, भाऊजे ,लेक
शेजारी पाजारी ठेवून मान….3

स्वार्थ आणि अप्पलपोट सोडून
निस्वार्थीपणाने आपण पाहू
दुसर्‍याच्या स्त्रीकडे बहिणी
प्रमाणे वर्तन करीत राहू….4

निस्वार्थ पणाने मदतीचा हात देऊ
उच्च नीच गरीब असो की श्रीमंत
माणसात माणुसकीची भावना
जपून होऊ आपण नीतीवंत….5

कुसुम पाटील
कसबा बावडा कोल्हापूर
=============

0 4 8 2 9 3