0
4
8
2
9
3
बहर
सोसावा लागतो थोडासा
पानझडीचा शिशिर कहर
मागोमाग येतच असतो
नवपालवीचा वसंत बहर.. //
सत्व परीक्षा कठिण वेळी
मनोभूमीची असते तयारी
ही निसर्गाची तत्वप्रणाली
राखेतूनही घ्यावी उभारी.. //
प्रबळ करावे मनोबलास
नकोच रहावे म्लान वदनी
आघात झेलण्यास तत्पर
ढाळू नयेच आसवे नयनी.. //
मातीही देतेय अग्निदिव्य
तेव्हा पिकती मोती अपार
नियम मानवा हाच तुलाही
दुःखामागे येई सुख बहार.. //
घेते नियती झाडाझडती
याला समजावे कर्मभोग
असेल कांही संचित गाठी
येतो जुळूनी प्रारब्ध योग..//
विष्णू संकपाळ बजाजनगर
छ. संभाजीनगर
=========
0
4
8
2
9
3
