0
4
8
2
8
6
छोटे वारकरी
आले नटून थटून
आज छोटे वारकरी
बंडी धोतर डोई टोपी
शेला शोभे भरजरी…१
माझे छोटे वारकरी
टाळ हातात घेऊन
भजनाच्या तालावर
जागी घालती रिंगण…२
चाले रांगेत दिंडीत
दिसे भाळावर टिळा
डोई तुळशी वृंदावन
विठू नामाची ती शाळा..३
दिंडी गावात चालली
मुली नेसल्या लुगडी
नाद मृदुंगाच्या ताली
सारे खेळत फुगडी…४
छोटे छोटे वारकरी
हाती घेऊन पालखी
एक सूर एक ताली
भजन विठ्ठलाचे मुखी…५
माधुरी शेवाळे पाटील
जिल्हा नाशिक
0
4
8
2
8
6
