0
6
3
9
5
2
प्रेमरहस्य
हिरवा निसर्ग सढळहस्ते
नटवितो फुलाफुलांनी रस्ते
पाखरांची किलबिल नभी
सृजनता कणाकणात वसते
निनादतो डोंगरदऱ्याखोऱ्यातून
वारा वाहतो कडेकपारीतून
वाट कोण अडवेल त्याची
पिंगा घालीत करतो गुणगुण
उंच उंच गिरीशिखराहून
उडी मारते सरिता उंचाहून
ओलांडून जाते खडतर वाट
भेट सागराची ओढ अफाट
नभात कुठेही टिपूस नसतांना
अचानक जलद येतात भरून
चिंब भिजवून वंसुधरेला
अवघ्या सृष्टीला पुरते उरून
पहाता ते एक एक नवल
नकळत फुलते वदनी हास्य
सृष्टीचे ते फुलणे बहरने
गुढ अजब आहे ना प्रेमरहस्य
सविता धमगाये
आनंद नगर, नागपूर
0
6
3
9
5
2
