0
6
3
0
9
3
नवव्रत
सुटो अहम् तुटो वहम्
मी मोहमायेशी भांडले
तुझी कृपा होवू दे अंबे
असे मी नवव्रत मांडले.. //
परिधानले निर्मळ वस्त्र
शुद्ध भाव भक्तीचे रंग
काया वाचा शरण तुला
नाम जपात झालेय दंग.. //
भक्त कैवारी रौद्र रूपी
हे दुर्गे महिषासुरमर्दिनी
पाप नाशी पूण्यरक्षिणी
हे देवी जगत उद्धारिनी.. //
शस्त्र, शास्त्राचे दान दे
सुबुद्धी सत्कर्म घडू दे
शक्ती स्फूर्ती तूच माझी
दुष्ट दमना पेटून उठू दे.. //
नवव्रत माझे सफल हो
आरंभिली ही आराधना
नारीची व्हावी नारायणी
पूर्ण करी ही मनोकामना.. //
विष्णू संकपाळ ,बजाजनगर
जि.छत्रपती संभाजीनगर
0
6
3
0
9
3
