0
4
8
2
9
3
बेधुंद आसमंत
भेगाळल्या धरणीच्या
व्यथा कशा कळतील ?
दौलतीच्या हव्यासानं
माणसंच जर छळतील
किंकाळ्या रे धरणीच्या
ऐकू कधी येतील तुला ?
निष्प्राण होताच रे तुझा
राखच होईल प्रीतझुला
तहानलेल्या धरणीची
तृष्णा कोण रे शमवेल ?
येताच रे बेधुंद आसमंत
बहरेल मातीत प्रीतवेल
बेधुंद रे या आसमंताला
पेटत्या चितेच्याच रे झळा
ज्वाला भिडताच नभाला
क्षणार्धात बदलली रे कळा
बेधुंद आसमंत शोकमग्न
वाट पाही संपण्याचे विघ्न
गर्भगळीत होऊन धरणी
लीन बेधुंद आसमंत चरणी
लीन बेधुंद आसमंत चरणी
श्री.संग्राम कुमठेकर लातूर
=========
0
4
8
2
9
3
