0
4
8
2
9
7
अजाणता
वय वार्धक्याकडे झुकले तरी
नाही,जात अजाणता मनातली,
दरी आपणच निर्माण केली
कुतूहल आणि प्रत्यक्षांतली.
अगंभुतच निवास तिचा
बालिशपणा ओळख तिची,
धरसोडपणा किती करावा?
नको,सवय मन मारून नेण्याची.
जपून ठेवू आनंद जीवनातला
खळाळता निर्जर ओढ्यातला,
अवर्णनीय अनुभव, बालपणातला
आणू उधाण सुखद आठवणीला.
जगणे असावे वाऱ्यासारखे
रोख टोख कधी नसावी,
ओसंडून वाहणाऱ्या आनंदास
तमा, वादळ वाऱ्याची नसावी.
अल्लड आणि चंचल मन
राहत नाही कधी काबूत,
स्वतःला तरुणच समजावे
तरच राहतील विचार शाबूत.
मायादेवी गायकवाड
मानवत परभणी
========
0
4
8
2
9
7
