0
5
6
8
0
0
समजून घेताना
मी कुठे कमी पडलो
समजून घेताना तुला
गोफ प्रेमाचा उसवला
तुझ्या माझ्यात गुंफलेला
जे आवडत होते तुला
ते का नकोसे जाहले
शब्द तुला भावलेले
आज जहर का भासले?
काल जी गंधित फुले
तुझ्या केसात माळली
आज का निर्माल्य झाले
उडून गेले ते वावटळी
घेतल्या ओलेत्या शपथा
आज अर्थ त्याचा लोपला
प्रेमापेक्षा गर्वताठा मोठा
होऊनी मार्ग होई वेगळा
जीवनी का असेच होते
आपुलकी संपते क्षणात
नात्यात पसरती काटे
दुराव्याची उभी भिंत
वृंदा(चित्रा)करमरकर सांगली
0
5
6
8
0
0
