अख्या महाराष्ट्रात देखणा

अख्या महाराष्ट्रात देखणा

वैभवशाली भूमी आहे
माझ्या बीड जिल्ह्याची
अकरा तालुक्यात प्रसिद्ध
स्थळे आहेत पर्यटनाची…!!

भगवान शिवांना अर्पण
येथे मंदिर कंकालेश्वराचे
पर्यटकांचे खास आकर्षण
कपिलधारच्या धबधब्याचे…!!

राष्ट्रसंत वामनभाऊ आणि
भगवान बाबांचा पदस्पर्श
गौरवशाली येथील वारसा
सांगताना मनी होतो हर्ष…!!

भगवान शनिदेव प्रसिद्ध
गोदावरी तीरावर गेवराई
आद्यकवी मुकुंदराज जन्म
आणि देवीची अंबाजोगाई…!!

बारा ज्योतिर्लिंगापैकी एक
आहे वैद्यनाथ मंदिर परळीला
बालाघाटच्या डोंगर रांगेत
कलाकारांचा वारसा लाभला..!!

मुंडे साहेबांचा बीड जिल्हा
वैभवशाली शौर्याची परंपरा
अख्या महाराष्ट्रात देखणा
निसर्गरम्य परिसर सारा…!!

राजश्री मिसाळ ढाकणे
जिल्हा बीड

0 4 8 2 9 0