परतफेड

परतफेड

इवलासा जीव तो
भूईखाली दबला
श्वास गुदमरला
तरारून उठला

इवलेसे कोवळेसे
नाजूकसे जोडपान
मिट मिट नयनांनी
घेई जगाचे ज्ञान

वारा हळूच आला
कुरवाळून गेला
अवखळ चंचल
टिचकी मारून गेला

पावसाच्या सरींनी
चिंब चिंब भिजवले
नाऊ माखू घालून
छान छान श्रृंगारले

हळू हळू पानांचा
गोतावळा वाढला
सुगंधीत फुलांनी
तरू बहरू लागला

फुलातून फळांनी
हळूच जीव धरला
रसदार पक्व होऊन
रस गळू लागला

लगोलग प्राण्यांची
नजर टवकारली
फळगर खाण्यासाठी
भरारून आली

फळे खा मनभरून
विसरू नका धरेला
परतफेड निसर्गाला
रान परत बहरायला

सविता धमगाये
ता. जि.नागपूर
========

0 5 1 6 5 1