0
4
8
2
9
0
आम्ही मुलं
नका समजू निव्वळ मुलं
जरी विविध जाति-धर्माची
आहोत आम्ही देशाची फुलं
भावना एकात्मतेची .
नका समजू मातीचा गोळा
आहोत तपतपता लाव्हा
भरवली विज्ञानाची शाळा
वाटतो निसर्गाचा हेवा .
अपेक्षा आमची फक्त
करण्या विकास सर्वत्र
करा आम्हा बंधनातून मुक्त
ऐका आमचा कानमंत्र .
रंग , रूप ,आकाराने
आहोत आम्ही वेगळी
बहार आणू कर्तृत्वाने
परिपूर्ण आम्ही मुलं सगळी .
द्या आम्हाला संधी
दावू कर्तबगारी ,
होवू तारांकित नभी
चमकू भूतलावरी .
माधुरी हेमराज लांजेवार
ता.नागपूर जि.नागपूर
====
0
4
8
2
9
0
