बाप

बाप

कसे सांगावे कुणाला,
बाप असे कुणाएवढा
बाप असतो उंच, उंच
जणू आभाळा एवढा.. //

कशी वर्णावी सांगावी
कळेना बापाची माया
बाप म्हणजे घरादारा
असते वडाची छाया.. //

बाप कायम निःशब्द,
लाख सोसतोय धग
त्याच्या खांद्यावरती
बसूनी. पहावे जग..//

बाप असे विद्यापीठ,
समस्याचे समाधान
ज्याच्या छायेखाली,
राही सारे आबादान… //

जोवर हात पाठीवर,
तमा नसे वादळाची
तमातही वाट दावी,
उभा राहून पाठीशी…//

विष्णू संकपाळ
बजाजनगर छ. संभाजीनगर
========

0 5 7 4 4 8