0
4
8
2
9
3
मोगरा
तुझ्या केसामुळेच तर
खुलून दिसतोय गजरा
मनात जळतोय गुलाब
धन्य धन्य झाला मोगरा… //
लांबसडक गर्द केसांचा
कसा वर्णावा हा नजारा
सळसळती नागीण की
खळखळती जलधारा.. //
पाठीवर रूळतोय जणू
मृदु मुलायम रेशमसाज
आणि त्यावर मिरवतोय
शुभ्र मोगरा गंधीत गाज.. //
तू जेव्हा नाजूक मानेला
देतेस डौलदार झटका
मग मोगर्याच्या मनात
तेव्हा होत असेल गलका.. //
केसांनी मोगर्याला की
मोगर्याने केसांना दिला
सुगंध कुणाचा कुणाला
हाच प्रश्न पडतोय मला.. //
विष्णू संकपाळ बजाजनगर
छ. संभाजीनगर
=========ञ
0
4
8
2
9
3
